1. Nasep hanciam : Kampha vat ding cihte um kei inla, nasep hanciamna um zaw in. Hun sawt lua ee peuh ci'n na nasep khat peuh nawh gawp kei in. Lamnai (shortcut) zong kei in. Lamnai tawn nuam behiang kum 9 a tung lo, Zomi paunak om hi.
2. Lungduai : Nuntakna pen galdona bang hi-a, a lungduai zo lo mite in gal lel uh hi. Hanciamna kalmasa ah bang mah hong piang pah loin kalnihna ah tawmcik khat bek a gah kimu a, kalthumna ah thakhat thu in lawhcinna hong piang pan ding hi. Mi a tamzawte pen kalmasa sungah lungduai zo loin dinkhawl mawk uh hi.
3. Kipiakhia ngam: Tup le deih ngah zawhna dingin kipiakkhiat ngam kul hi. I kipiakkhiat ngam kei leh I tup i deihte in hong paisan dinga, I khahsuah ding hi.
4. Thumantakin sepna : Thumantakin nasepna pen mihing nuntakna hong zuun hoih sak hi-a, a vang nei le a hoih pen mun hong tun zong ahi hi. Thuman takin nasepna lo tawh lawhcinna lianpi kimu zo ngei lo hi.
5. Citak : Lawpna in hong manawt sak a, cihtakna in hong khangto sak hi. Khatveivei i thadah hun, lungkiat hun om thei zel hi. Tua bang hun teh lungkiat thadahnate kizo sak loin, ei le ei mah tha kipiak tawm na tawh cihtakna kisin kul hi.
6. Kimuang: Kimuang cih ciangin, lawhcing ding gualzo ding lianin kipum ngaihsut gawp dan hi lo zawin, ka zawh kei leh zong, ka ngah kei leh zong, ka sup leh zong lungkia tuan lo ding hing ci-a, eile-ei kizawhna hizaw hi. Kimlepam ah nang pen koici bang mi hi-a, bang ci bangin nuntakna a nei cih hong kan simsim mi om niloh hi cih phawk in.
Topa muang in, na vaiteng ap in. Hanciam in, lungduai in, kipiakhia ngam in, thuman takin sem in, citak inla, kimuang in na lawhcing pelmawh ding hi.
@Khat Thang
Post a Comment