Nitum kuan hita mawk ei!
KA SIH KHIT CIANGIN...
By Aung San Su Kyi Septembet 18,2021(Saturday)
Su Kyi sih kuan kam vaikhak thupi zaw deuh teng a tom in kong tei khia hi. A sim nuam ten na sim ciatta un. Mihingte nuntakna lopa pak bang lel hi a, ni khat ni ciangin ka nuntakna zongin bei hun khat hong nei ding hi. Tua ni cianga dingin zong kigingsa leh mansa in ka om ta hi. Ka pa bangin ka nuntakna gam aa dingin pia kei mah leng, kawlgam hoihna dinga lam a sial numei khat ka hi hi. Kong nusiat pak khak zenzen leh zong lungkham mangbang in kua mah na om kei un la, na khituite uh na nul se kei un. Ka pumpi taksa pawlkhat zong hi leitungah nusiat dingin ka khensat khinta hi.
Ka samzangte Swedagon-ah na koihsak un la, ka mittangte mittaw khua mu lote na piaksak un. Ka sin ka lung, ka kalte a kisam mite adingin na piaksak un. Huu a sang thei nawn lo ding ka leitung pumpi pen mi dangte ading a phatuam ngai, U Kyaw Thu in hong pham hen la, ong kihaltumna ka vaamte singkung lopate hoihna dingin na zang un. Ahih theih khak zenzen leh University Evinue lampi a ka inn hiam, Insein a kei hong kikhumcipna inn hiam khat-ah, Aung San Su Kyi’s Museum dingin na bawlsak un la, ka silh ka teen, ka niik ka puante leh ka laibute tua lai-ah na koihsak un.
Bank a ka sum neihsun teng, ka sih ciangin zatval a om lai khak zenzen leh huh ngai leh panpih ngai-a om Phunggy putekte na piaksakta un la, ka pasal min in na khat beek na hihsak un.
Nobel Peace Prize ka ngah $ 1.3 million zong kei adingin pek khat zong zang ngam lo-in Kawlgam mite in pilna leh cidamna lam ah khanlohna hong neih theihna dingin ka pia mang khin sitset hi. Kei hong hehpih a, hong thuakpih khempeuhte leh ka tate thupha ka pia hi. Ka sung ka lai pan-a piang ka tate in, a Pu Aung San’ suan leh khak ahih lam uh na kimangilh ngei kei ta uh hen.
Hong buaipih den Daw Khin Win leh a tate tungah lungdam ka ko hi. Hong kem hong khoi a, tuni ciang hong nungtasak Dr. Moe Win’ tungah zong lungdam ka ko hi. Gam sung gam pua-a om, kei hong it hong ngai, tha hong pia khempeuhte adingin bang mah sem thei lo, kimanna nei kei mah leng zong note khempeuh lungnuam takin na om un ci-in thupha kong pia hi.
A sia a pawi khempeuh kei hong kingawh a, kei hong kimawhsak in, mawhna khempeuh hong kipuasak a, kum 20 sung thong ka kiatna pan hong honkhia Dr. Sein Win’ tungah lungdam ka ko hi. Ka sih khit ciangin kei hong kah kei un la, na mit-tui te uh na luangsak kei un la, i maban na zomto zaw un.
Ka pa gamh (go) hong nusiat SUAHTAKNA ka muh man kei phial leh zong, tua suahtakna i ngah zawh nading note tavuan ahi hi.
Laigelh : Pau Lian Mung (Tulsa )
Post a Comment