Zomi leh Chin pomzia ding

<p>A mun leh mual zui in dawnna leh genna om hi. Ei Tulsa te, ei Chin te, ei Zomi te, ei Asian mite, ei Kawlgam mite...cih danin i genna pen minam min genna hipah samlo aa, i ki hopih mite leh a thuzui aa genna hi.</p><p>Minam min Identity hong ki dong tangtang ahihleh mi khempeuh in amau minam ciat genlel uhhi. Nang koi pan Chin pan, Kawlgam pan, Tulsa pan, Tedim pan, Malaysia pan...cih dan tuamtuam om hi. Hih mun ah minam min pulak dihdih ding hilo hi.</p><p>Zomi MP ten Chin state bup MP te tawh aki ho teh ei Chin te acih mah ding hi aa, Kawlgam mibup ki thuahna ahihleh ei Kawlgam mite cih ding mah ahihi. Minam min genna hilo hi.</p><p>Lai thupi tungah State mun ah State min ki gelh, minam min acihleh minam min gelh ding, tenna khua acihleh i teenna gelh ding ahihi.</p><p>Namdangte pau a theilua lah hilo, nam dangte tawh ki pawl khawmin tutna ngahlah hisam lo, Zomi tengmah in, Chin ki paai theilo, Chin mimah hihang acici ten, a zatna ding mun atheihloh man hizaw hi. Identity i zatna dingmun ah zat ding ahihi. Nang na zat keileh nangma Identity pen na suak na khak ten na kan veve ding aa, na zangh kik veve ding uhhi.</p><div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEh8u54AlRH__siMjprbbMH0MSuW9k_On0JrTZbH0tus_mYRAiKPyrC_f-OuTBjB8Pz6hLCuFshB1xcK7lhcD8eJWZSneW0NGP-fKjOfAm8I6pU4kTtTIvuscOAPG8iTI4_o9HB3M6Bt__VoozrNS6j55EjpBnnvgeiQjXTn4IqkOMKjv3Cm9EpGYzuxlSc/s1280/20240228_131820.jpg" style="clear: right; float: right; margin-bottom: 1em; margin-left: 1em;"><img border="0" data-original-height="1280" data-original-width="1066" height="400" src="https://blogger.googleusercontent.com/img/b/R29vZ2xl/AVvXsEh8u54AlRH__siMjprbbMH0MSuW9k_On0JrTZbH0tus_mYRAiKPyrC_f-OuTBjB8Pz6hLCuFshB1xcK7lhcD8eJWZSneW0NGP-fKjOfAm8I6pU4kTtTIvuscOAPG8iTI4_o9HB3M6Bt__VoozrNS6j55EjpBnnvgeiQjXTn4IqkOMKjv3Cm9EpGYzuxlSc/w334-h400/20240228_131820.jpg" width="334" /></a></div><p>Kawlgam mi phazah kisimna ah minam code ah Zomi hong pialo uh aa, hih code ah aomlo ten 914 gelh un acihpen Zomi MP te bekbek a mawhsak omlai zen hihang. GZA aki pan ki pawlna tuamtuam teng thukim aa, 914 ah Zomi gelhni aci uh ahihi. 914 pen Zomi te bek hici aa, a pum piakpiak zong om hihang. A kik ah Code ngah theihna ding lampi makaiten a hong ahihi. Kawlgam ki ukna hoihloh manin, bangmah a result pulaklo uhhi. Chin code 401 ah nang na gelh hiam, gelh na hihleh a dangte ah nang buai nang thu omlo hi.</p><p>Zomi ul tung sak a omleh a hi theithu ahihi. Eima hehna ding omlo pi ee, sihna dinglah hilo, poilo pi ee. A huat huaizaw ah Zomi hi na pi, Zomi te lak ah Zolai mahmah tawh ei Chin minam hihang acite huat huai pen hi. Chin minam na hihleh Zolai sese tawh gelh kullo pi ee. Chin minam aom zenzen aleh amau zong amau lai cihkhat neisamlo di hiam. Amauvai pen amau ki sai sakni in, ei sungah eivai i gen pen hehna ding omlo lua hi.</p><p>Thawn Tuang</p><p>#T3Zomi </p><p>February 28,2024</p><div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEjUltZVMMf9o6Ibxu5-6YKaMadxKkjPUdpz7_C-BIK2A-4PAO9m8bLhEUeJo5I1Sb3DMdHVI39n00F76IWdiVCWfDAkncNTsoE92eMoc1Wt948EUdsHFRi5S6F7OUaFFagE9-UJ3cuS1DVB9Lfwmxpp-48QlUYybdCPh5g2pye10h1GQQQLsnu6KslNXiI/s1280/20240222_191024.png" style="margin-left: 1em; margin-right: 1em;"><img border="0" data-original-height="1280" data-original-width="1280" height="320" src="https://blogger.googleusercontent.com/img/b/R29vZ2xl/AVvXsEjUltZVMMf9o6Ibxu5-6YKaMadxKkjPUdpz7_C-BIK2A-4PAO9m8bLhEUeJo5I1Sb3DMdHVI39n00F76IWdiVCWfDAkncNTsoE92eMoc1Wt948EUdsHFRi5S6F7OUaFFagE9-UJ3cuS1DVB9Lfwmxpp-48QlUYybdCPh5g2pye10h1GQQQLsnu6KslNXiI/s320/20240222_191024.png" width="320" /></a></div><br /><p><br /></p>

Articles Zomi leh Chin pomzia ding

A mun leh mual zui in dawnna leh genna om hi. Ei Tulsa te, ei Chin te, ei Zomi te, ei Asian mite, ei Kawlgam mite...cih danin i genna pen minam min genna hipah samlo aa, i ki hopih mite leh a thuzui aa genna hi.Minam min Identity hong ki dong tangtan…

Read more »

Zomi Flag, Zomi lan vai

<p> Zomi Flag vai</p><p>State ngahteh, Gamkhat in i dinzawhteh zat ding cihte pawl in mu naikeng. Zomi ten i omomna ah aki bang Flag khat zat phot dingin, a ki geel aki lunggulh aki thukim in aki zanghtoto phot in mu ing. Zomi lan, Zomi dialkhai i zatnop teh bang zangh ding cihte pawl aomteh, ut khat peuh zatzelzul sangin, aki bangkhat, tu tadih mipi deih mah zat ding geelna in mu ing.</p><p><br /></p><p>Gamkhat, Minam khat, state khat cihte i ngahzawh aleh tuateh a thu leh la in, hong pai ven cin. ZRA Flag pen mipi in aki limzat luatteh, Zomi makai India, Kawlgam, USA, Malaysia, Singapore cihte panin ahi thei tengin Zomi International Conference 2019, Kuala Lumpur, Malaysia ah thukim sakna, hoihsakna makaiten naneih uhhi. Amau tengin neihta keileh aki zangzang khinsa hi aa, a phun a ciak 2019 ciangciang kuamah om naisam lo hi. MAL ukna buluh zawh Zomi Flag na leng hong buluh nuam aom pan hibek hi.</p><p><br /></p><p>State khat, gamkhat i ngah mateng pen zattoh phot phot ding danin mu ing. Kawlgam aom Chin state ahbel kumpi office te ah Kawlgam lan mah ki khai vencin, state flag icih aomtei hang, kuamah in zanghlo mawk hi, athu bekmah suak hi.</p><p><br /></p><p>ZRA te Flag Zomi Flag ci ihihleh ZRA thautawi ten a dang Flag khat a neihloh aphamawh hi aci pahpawl om hi. Tuapen Gamkhat, State khat in i dinzawh hunhunteh damdamin hong kikheltoto ding hilel hi.</p><p><br /></p><p> Leitung kiauli, gam tuamtuam aom Zomi ten aki bang Flag khat zat photphot ding hoihsakna, aki gen a ki zangh hi aa, ei mimal in i zatnop keileh mimal in izatnang mun omlo lel hi.</p><p><br /></p><p>#Thukhupna: Kawlgam vaibek tawh zingvai Zomi ten ki hawm nawnlo ahih manin, koikoi aom Zomi ten Flag ki bang khat i zat khop theih ding lungsim neihleng, hoih penpen hi. Kawl kumpi in Zomi teng state khat, gamkhat hong piak zenzen lehzong tuateh Flag khat hong ombeh maw cihkhat hiven cinin, tuapen leitungbup aom Zomi khempeuh in zanghto pah ding cihna hilo hi. Leitungbup aom Zomi khempeuh in i zat khop theihpen dingin makaite geelna mangto photphot maileng, mi gina ihihna ki langzaw kha ding hicih kei mimal muhna hong gen hi ing. Lungdam. #T3Zomi </p><p>Thang Thawn Tuang</p><p>October 25, 2023</p><div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEiy328eZcSi8YCMYS0GG-a7uP38l6sO2V-iRqb15shCmCaBT4_y6DkUsz-K7r7fSxb6oUvJ5xnWzfuMxrN80aMwzZv3joG-J0PnISI3XL2PAzS2aD7HwE3LlWUJqT-4Gy0XI01v4DO-ry8UW678s4lf1e8LmeUIUsSyLm0JPvKPv9jDYh4wX-fOHZWo4mU/s960/FB_IMG_1697652448799.jpg" imageanchor="1" style="margin-left: 1em; margin-right: 1em;"><img border="0" data-original-height="960" data-original-width="688" height="320" src="https://blogger.googleusercontent.com/img/b/R29vZ2xl/AVvXsEiy328eZcSi8YCMYS0GG-a7uP38l6sO2V-iRqb15shCmCaBT4_y6DkUsz-K7r7fSxb6oUvJ5xnWzfuMxrN80aMwzZv3joG-J0PnISI3XL2PAzS2aD7HwE3LlWUJqT-4Gy0XI01v4DO-ry8UW678s4lf1e8LmeUIUsSyLm0JPvKPv9jDYh4wX-fOHZWo4mU/s320/FB_IMG_1697652448799.jpg" width="229" /></a></div><br /><p><br /></p>

Politics Zomi Flag, Zomi lan vai

 Zomi Flag vaiState ngahteh, Gamkhat in i dinzawhteh zat ding cihte pawl in mu naikeng. Zomi ten i omomna ah aki bang Flag khat zat phot dingin, a ki geel aki lunggulh aki thukim in aki zanghtoto phot in mu ing. Zomi lan, Zomi dialkhai i zatnop teh b…

Read more »

ZCD Birthday kum 34

<p> Zingciang ZCD Birthday</p><p>     1988 kum gambup buaina khit ciang in political party phuattheihna kongkhak hong kihon ciang in tua hunlai a India ah suangmanpha zuak a ana paipai khuamu zawdeuh Zomi sumbawl pawlkhat leh Pu Thang Lian Pau (tu'n ZRO/ZRA president) te' hanciamna tawh ZNC party na phuan uh a, 1989 kum October 24 ni in matpongtin nangah uh hi.</p><p>      Makai ding in Pu Col Khen Za Moong zong nazawn uh hi. Alem theihloh ciang in makai ding in Pu Cin Sian Thang cial uh hi.</p><p>      1990 kum kiteelna ah ZNC min tawh dem uh a, Tonzang pan in Pu Thang Lian Pau in zo a, Tedim pan in Pu Cin Sian Thang in zo hi.</p><p>     Tutung 2020 kum kitelna dan mah in azote in ukna angah theihlohna ding in kawl galkap te'n khakcip ahih man in Pu Thang Lian Pau in thautawi lampi nazui in Pu Cin Sian Thang in non-violence lampi nazui ahih man in kum tampi sung tamveipi mat le hen thuakkha hi.</p><p><br /></p><p>ZNC sihna leh ZCD pianna</p><p>     Kawl galkap kumpi SPDC in 2010 kum in kitelna bawl a, alangpang teng in nuaksan hi. Anuak lak ah ZNC zong kihel hi. Kitelna ah alut ding in matpongtin bawllo ahih man in ZNC asikhin hong suak hi </p><p>     2010 kum kitelna tungtawn in U Thein Sein kumpi hong kah hi. Anuak pawl makai ASSK leh U Thein Sein hong kiho thei ahih man in party sisa teng matpong tin kik theihna lampi hong kihong hi </p><p><br /></p><p>Zomi Nial Zolo Uh</p><p>    ZNC matpongtin bawl ding in akithawi ciang un thunei te'n "Zomi cih bang om kei" naci hiau uh ahih man in cihna ding theilo in om uh hi. Pu Cin Sian Thang in tuavai tualaitak a Tedim Association makai Prof.Dr.C. Thang Za Tuan@Sia Tuanno na kokha bilbel hi.</p><p>      Sia Tuanno ThangTuan Ngalliam makai in kawl te' tangthubute pheklek uh a, a encyclopedia laibupi sung nangawn vuah "Chin te amau leh amau Zomi kici uh hi" cih khawng na om dimdem ahih man in tua teng bulphuh in laipi khat hong phah uh ciang un thunei te'n nialzo nawnlo in "Zomi om mah uh cei" cikik uh hi.</p><p>       Tua tungtawn in Zomi party kiphuan thei kik a, ZNC pan ZCD ah akilaih ahi hi.</p><p><br /></p><p>2015 leh 2020 Kitelna te ah ZCD in zong dem a, 2015 kum in mun 5, 2020 kum in mun 2 ah zo hi.</p><p><br /></p><p>     Tutung kawl galkap te'n thuneihna hong lakik leuleu uh a, party teng matpongtin kik kulsak leuleu uh hi. Pawlkhat bel nuak lai phot uh a, ZCD bel tutung nuak sawm nawnlo hi.</p><p><br /></p><p>Kum 34 Cingta</p><p>     Zingciang in ZNC/ZCD kum 34 acing ding hong hita mawk hi.</p><p>      Akipat pan tuni dong ana dinpih tiuteu Pu Gin Kam Lian in phone tawh hong hopih a, "Thunget khopna leh ankuang umkhopna neihsawm hang in hong pai hamtang in" hongci ahih man in ka angtang mahmah hi.</p><p><br /></p><p>Online tung khawng ah mi gensiat ziauziau khawng abaih mahmah sam hang, gal mai samai mat le hen tampi kawmkal ah kum hitan vei minam party dinpih tiuteu cih pen athubaih san hisamlo hi.</p><p>      </p><p>Tua mahmah ka zahtakna in kapai sawm hamtang hi.</p><p><br /></p><p>Zomite' sungah ki-itna hong khang semsem ta hen</p><p><br /></p><p>Shalom Zogam !!!</p><p><br /></p><p>Mung Laan Thang</p><p>Yangon</p><div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEj083-KEgaCh6_G3MNUIzyiCfP81arUwPdWkUnziitULbczI_VjMXDHgh2Shh8UBVHK3M3Aqwoovdh9PvsdcBkZIECfN-x6vmNcNtvTDzl3RP27GUg-vFtGxob8YAaD8fSPGg_2aFkmpKqkk9hWIppoMcSmgLAemgBhA78zMaHv4-w8kFqVqGz_zijIOg4/s288/FB_IMG_1698097585282.jpg" imageanchor="1" style="margin-left: 1em; margin-right: 1em;"><img border="0" data-original-height="160" data-original-width="288" height="160" src="https://blogger.googleusercontent.com/img/b/R29vZ2xl/AVvXsEj083-KEgaCh6_G3MNUIzyiCfP81arUwPdWkUnziitULbczI_VjMXDHgh2Shh8UBVHK3M3Aqwoovdh9PvsdcBkZIECfN-x6vmNcNtvTDzl3RP27GUg-vFtGxob8YAaD8fSPGg_2aFkmpKqkk9hWIppoMcSmgLAemgBhA78zMaHv4-w8kFqVqGz_zijIOg4/s1600/FB_IMG_1698097585282.jpg" width="288" /></a></div><br /><p><br /></p>

Politics ZCD Birthday kum 34

 Zingciang ZCD Birthday     1988 kum gambup buaina khit ciang in political party phuattheihna kongkhak hong kihon ciang in tua hunlai a India ah suangmanpha zuak a ana paipai khuamu zawdeuh Zomi sumbawl pawlkhat leh Pu Thang Lian Pau (tu'n ZRO/ZRA pr…

Read more »

Al Nakba Israel buaina

<p> 𝗔𝗟 𝗡𝗔𝗞𝗕𝗔</p><p>Tu laitak aa Israel leh Hamas (Palestine galkapte-gongtatte) kidona ahang tampi om ding sung panin, a tawsawn a thupi khat pen, gam kituh ahi hi. Ahih leh, tua-a kituh uh kua gam taktak hizaw ding?</p><div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEhTrDiEi48uH2pm8I3-qgzhprO9XKMBDuZswJE7CE6WmcyF12UIH8ksG90cBtbf4P1zq6zYwkHks_lGLoxnre7YW8aLyZDDIqd-VvMJt8O9Va1YXofgY4xExtRD3GqMzyb483YOPnnks9-XmlV6J0vL_8UDocLCz7FRT8J9snXMXTY4tuepO97qnvjOKAs/s1079/Screenshot_20231013_090428_Facebook.jpg" imageanchor="1" style="margin-left: 1em; margin-right: 1em;"><img border="0" data-original-height="712" data-original-width="1079" height="211" src="https://blogger.googleusercontent.com/img/b/R29vZ2xl/AVvXsEhTrDiEi48uH2pm8I3-qgzhprO9XKMBDuZswJE7CE6WmcyF12UIH8ksG90cBtbf4P1zq6zYwkHks_lGLoxnre7YW8aLyZDDIqd-VvMJt8O9Va1YXofgY4xExtRD3GqMzyb483YOPnnks9-XmlV6J0vL_8UDocLCz7FRT8J9snXMXTY4tuepO97qnvjOKAs/s320/Screenshot_20231013_090428_Facebook.jpg" width="320" /></a></div><br /><p><br /></p><p>𝙄𝙨𝙧𝙖𝙚𝙡𝙩𝙚’ 𝙖𝙖 𝙖𝙝𝙞 𝙙𝙞𝙖?</p><p><br /></p><p>Piancil 11:28, 11:31 leh 15:7 te sim lehang Israelte’ pianna pupi Abraham pen Chaldees gam Ur khua-ah piangin khang khia-ahih lam kilangh hi. Pasianin Abraham hopih in tua gam nusia henla hileh, a suan akhak thupha tampi pia ding ahihna gen hi (Pian. 12:1-2). Abrahamin Pasian sapna mangin tua gam nusia in Canaan gam tung hi (Pian. 12:5). Tua laitak Canaan gam ah Hittites, Amorites, leh Canaanites mite teng uh hi (Pian. 12:6; 15:18-21). Tua mun mah ahi Hebron a kicina mun ah Abraham in a zi Sarah na phum aa (Pian. 23:19), amah zong kum 175 bang aphak nungah si-in, a zi tawh kiphum khawm hi (Pian. 25:7-10). Hih pen Pasian piakna tungtawnin Israelte in gam a neih theihna dingun a kipat cilna leh Canaan gam tawh a kizop cilna uh hi, ci lehang kikhiallo dingin ka um hi (Pian. 12:5; Hebru 11:9).</p><p><br /></p><p>Abrahamin a nusiat apianna Chaldees gam Ur khua pen a nusia hikhin ahih manin, ih nusia pah aa, ahi zongin, a zi Sarah tawh a lutang phumna mun uh Canaan gam Hebron koilai hi ding cih ih ngaihsut ciang, tu laitak aa Levant kuam teng hi-in, West Bank zong a kici Palestinian te’ teenna leh a ukna gam teng ahi hi. </p><p><br /></p><p>Abraham Canaan gam a tun ciang, tua lai ah atengte’ sung panin a lunglut huai diakte pen Canaanites ahi hi. Banghang hiam cih leh, tua mite’ hangin tua mun pen Canaan a kici ahi hi. Ahih leh amau kuate hi ding, ci-in ngaihsun lehang, Noah ta pa Ham ii suan le khakte nahi hi (Pian. 9:17-18). Ham leh Abraham koici kinai cih ih ngaihsut leuleu ciang, Abraham pianna pa Terah pen  Noah tapa’ Shem pan simsuk khang kua na ah kimu hi (Pian. 11:10-26). Tua ahih manin, Israelte in Pasianin hong piak tangtawngin ka pu ka pate uh a teenna gam hi, a ci setset uh ahi hi. </p><p><br /></p><p>Ahi zongin, Abraham tua mun a tun ciangin Canaanites te taikhia kicilo hi. Thamlo in, Abraham’ tupa Jacob in Canaan gam na nusia in Egypt gam na zuan aa, a ciah kik lam kiza nailo in, Israelte Egypt ah salin a om uh tawh kizom to aa; Abraham pan simsuk khang sagihna, Moses hun ciangin Canaan gam zuan kik zo pan uh hi (Pian. 46:26-27; Pai. 1:1-14).</p><p><br /></p><p>Canaan gam a tun kik uh ciang, a pupi uh Abraham hun lai pekpek aa-atengsa teng mah ahi, Hittites, Amorites, leh Canaanites mite mah na teng lai uh hi (Thkna. 7:1; Pai. 3:8, 17).</p><p><br /></p><p>𝙋𝙖𝙡𝙚𝙨𝙩𝙞𝙣𝙚 𝙩𝙚’ 𝙖𝙖’ 𝙝𝙞𝙯𝙖𝙬 𝙝𝙞𝙖 𝙡𝙚?</p><p><br /></p><p>Tua ahih leh, a tunga Palestinian a kicite koilam pan hong piang? Jacob suan le khakte in Canaan gam a nusiat sungun tua mun ah a teeng suaksuakte kuate? </p><p><br /></p><p>Palestinian cih kammal limlim Lai Siangtho sungah omlo ahih manin, amau pianna tawh kisai Lai Siangtho bulphuh in gen ding haksa hi. Ahi zongin, amau leh amau a kigenna tung tawnun mi tampi takin a kisang thei thu khat pen, Palestinian a kicite Arab kam paute hi-in, Ishmael suante hi uh hi, cih thu ahi hi. A lunglut huai ah, Ishmael suante’ sungah Palestinian, Arab, ahih keileh Muhamad cih bang min omlo hi (Pian. 25:12-18). Hi napi, Muslimte in Muhamad zong Abraham leh Ishmael suan hi, ci-in a upna uh (Quran 2:130) leh, Muhamad in Abraham, Ishmael, leh Moses te’ khaa ta ka hihi a cihnopna thute, a Quran sung uh ah kimu thei hi (Quran 4:163). Tua-ahih manin, Lai Siangtho sungah omlo napi, Palestiniante pen Arab mi hi-in, Ishmael suante hi aa, Ishmael panin Islamic piang hi, aci tampi tak a om ahi hi. </p><p><br /></p><p>Lai Siangtho sungah a omlo tua Palestinian cih kammal koilai pan hong piang cih ih kan ciangin, a maute pen a teenna mun uh Palestine akicite hi aa; tua min pen Philistia cih kammal pan hong kipan hi-in, Philistines te cihna hi, ci-in tanglai Greek mipil Herodotus ciaptehna tungtawnin kimu kik hi (Killebrew, 2005; Rainey 2001; Jacobson, 2001 & 1999). Tua-ahih leh, Philistines kuate hiam, ih cih leuleu ciang, Canaan gam luah dingin Abraham a pai lai-in, tua mun ah ana teeng khin mite nahi uh aa (Pian. 21:34), Aegean gam pan a pai uh hi ding hi, kici hi (Aaron & Roy, 2013). Lai Siangtho en lehang, Philistines pen Noah tapa Ham ii suante aitam cihnop huai mahmah hi (Pian. 10:6-14). </p><p><br /></p><p>Tua-ahih manin, Israelte tawh a kitawng niloh tu laitak aa Palestinian a kicite pen Ishmael suan sangin Ham suan ahizaw diam, cihnop huai khat suak hi. Bangbang ahi zongin, Palestinian a kicite pen, Canaan gam ah Abraham a tun ma in a teeng khinte, ahih keileh, Abraham tawh a teeng khawmte ahihna kician mahmah hi.</p><p><br /></p><p>𝘽𝙪𝙖𝙞𝙣𝙖</p><p><br /></p><p>Tu laitak aa Israel leh Palestiniante’ teenna kuam khempeuh pen Ottoman Empire in leitung galpi khatna hunlai ciangciang a uk hi-in, Arab pau zang uh aa, Muslim thahat ahih manin Jew te tangkhia ngamlo uh hi ding hiven, a kikawmkaal uh ah kisiatna kiza lo hi (Gelvin, 2014; Mather, 2014). Ahi zongin, Jewte Theodor Herzl a kicipa in tua hun sung mah in gam a neih zawh ding dong uh a lungulhna in minam ultung sakna-ahi Zionism Movement phuang khia khinta hi, kici hi (Snitkoff, 2011). Hun khat ciang, Ottoman Empire kia in, British leh France te in a gam hawm uh aa, tu laitak aa Israel, Palestine, Jordan, leh Iraq kuam teng pen British te in ukin, Mandatory Palestine ahih keileh Palestine ci uh in; Syria leh Lebanon kiim teng pen French in uk hi (Avalon 1922; Gelvin, 2014; Mather, 2014; The New York Review, 2013). </p><p><br /></p><p>1906 ciangin Jew mite in gam le lei a neih theihna ding uh thapiakna tangkona khat British te Arthur Balfour leh Jewte’ sung pan Chaim Weizmann te in phuangkhia zo mawk uh aa, Balfour Declaration kici-in, November 2, 1917 in kikipsak hi (Gelvin, 2014). Hi thu apian ciang, Arab (Palestinian) te in zong Arab Nationalism phuangin, a minam tuak uh ultung sak dingin khauh takin a kipan uh ahi hi. Tua hun panin, Muslim thahatna kiamin, Jew (Jewish) thahatna akipat hun hita hi, kici thei ding hi.</p><p><br /></p><p>Tua panin Zionism leh Arab Nationalism kikawmkaal buaina-a khauh tektek ciang, UN in 1947 kumin gam hawm sak ding geel aa, Jerusalem pen neih taang khuapi-in koih dingin geel uh hi. Zionism (Jew) makaite in sang thei aa, ahi zongin Arab makaite in sang zolo uh hi.</p><p><br /></p><p>May 14, 1948 kum ciang, Jew te in Israel gam (State of Israel) aphut dingin British te’ kiang pan suahtakna tangko zo giap leuleu uh aa, Arab (Palestinian) te heh mahmah uh ahih manin, buaina lianpi-in zom to hi. Tua buaina huhau in, Palestinian (Arab) te mi 750,000 bang a si a mang leh, a teenna mun pan taikhiat loh phamawh in piang ahih manin, a cizekhuai tuahsiatna cihnopna, Arab pau in ‘Al Nakba’ ci-in ciamteh uh hi. </p><p><br /></p><p>Tutungin ahih leh Palestiniante bek hilo Jewte mahmah a dingin zong ‘𝘈𝘭 𝘕𝘢𝘬𝘣𝘢’ taktak khat suak mawk hi. Minam leh biakna-a khenlo tuaktuak hi uh ahih manin, daihna-a om theih ding haksa mahmah dinga, ‘𝘈𝘭 𝘕𝘢𝘬𝘣𝘢’ mah piang zelzel mai ding cih lungnopmawh huai hi.</p><p><br /></p><p>𝙈𝙪𝙝𝙣𝙖 𝙠𝙞𝙗𝙖𝙣𝙜𝙡𝙤 𝙖 𝙤𝙢 𝙩𝙝𝙚𝙞 𝙙𝙞𝙣𝙜 𝙩𝙝𝙪𝙩𝙚:</p><p><br /></p><p>1. Gam neilo taktak pen Jewte hizaw.</p><p>2. Lai Siangtho sungah Pasianin luah dingin a piak ahih manin, Jewte’ gam ding mah hizaw.</p><p>3. A kilemloh ding mah uh hi. Ahang pen, Palestinian (Arab) te Ham suan ahih uh leh, apa lenggahzu kham a nulhnau na huhau in, samsiatna a thuakpa hi aa; Ishmael suan ahih uh leh zong, thupha ngahlo pa leh, buaina maangpa mah hi kawikawi hi.</p><p>4. A tunga te ahilo bangteng om lai ding, bang sin theih ding om, comment ah hong gelh ve?</p><p><br /></p><p>Laigelh Tuang Za Khai</p><p>𝙇𝙖𝙞𝙨𝙞𝙢𝙩𝙚 (etkak)</p><p><br /></p><p>Avalon Project. "The Palestine Mandate." (1922).</p><p><br /></p><p>Brody, Aaron J., and Roy J. King. "Genetics and the archaeology of ancient Israel." Human Biology 85, no. 6 (2013): 925-939.</p><p><br /></p><p>Gelvin, James L. The Israel-Palestine conflict: One hundred years of war. Cambridge University Press, 2014.</p><p><br /></p><p>Jacobson, David. "When Palestine Meant Israel." Biblical Archaeology Review 27, no. 3 (2001): 42.</p><p><br /></p><p>Jacobson, David M. "Palestine and Israel." Bulletin of the American Schools of Oriental Research 313, no. 1 (1999): 65-74.</p><p><br /></p><p>Killebrew, Ann E. Biblical Peoples and Ethnicity: An Archaeological Study of Egyptians, Canaanite. Vol. 9. Society of Biblical Lit, 2012.</p><p><br /></p><p>Mather, Yassamine. "The fall of the Ottoman Empire and current conflict in the Middle East." Critique 42, no. 3 (2014): 471-485.</p><p><br /></p><p>Rainey, Anson F. "Herodotus' Description of the East Mediterranean Coast." Bulletin of the American Schools of Oriental Research 321, no. 1 (2001): 57-63.</p><p><br /></p><p>Rabbi Ed Snitkoff. "Secular Zionism". My Jewish Learning. Retrieved 2011-01-02.</p><p><br /></p><p>Lai Siangtho</p><p><br /></p><p>Quran</p><p><br /></p><p>Photo credit: Majid Nawaz</p>

History Al Nakba Israel buaina

 𝗔𝗟 𝗡𝗔𝗞𝗕𝗔Tu laitak aa Israel leh Hamas (Palestine galkapte-gongtatte) kidona ahang tampi om ding sung panin, a tawsawn a thupi khat pen, gam kituh ahi hi. Ahih leh, tua-a kituh uh kua gam taktak hizaw ding?𝙄𝙨𝙧𝙖𝙚𝙡𝙩𝙚’ 𝙖𝙖 𝙖𝙝𝙞 𝙙𝙞𝙖?…

Read more »

Israel lo tawh Ishmael a nungta zo diam?

<p>Tuma kum 20 val deuh lai-in Iran makaipite in leitung bup-a Muslim-te khempeuh kiangah Judahte kiang pana hong piangkhia na khat peuhpeuh zang vet kei un, ci-in kham uh hi. Tua thu a om ciangin siavuanpi khat ahi Meyer M. Treinkman in hih a nuai-a bangin dawngkik hi.1</p><p><br /></p><p>Syphilis natna anei Muslim peuhmah in Salvarsan zatui peuhmah tawh bawl kei hen. Pum thuak hen (numei pasal omkhopna, nute le naungekte kizopna pan-a kingah thei natna, kum simin mi 100,000 val in ngah den). Banghang hiam cihleh Salvarsan zatui pen Dr. Ehrlich muh khiat hi-a, amah Judah mi ahi hi. Tua banah Muslim khat in Syphilis natna nei maw, neilo cih nangawn sitsak vet kei ta hen. A sitna set, Wasserman Test pen Judah mite muh khiat mah ahi hi.</p><p><br /></p><p>Muslim khat in Gonorrhea natna (numei 0.8% leh pasal 0.6% in hih natna nei) a neih leh neih loh sitsak peuhmah kei hen – a sitna set zong Neissner bawl hi-a, amah Judah mi ahi hi.</p><p> Muslim khat in lungtang natna a neih leh Digitalis zatui zang kei ta hen. Hih Digitalis pen Judah mi Ludwig Traube a kicipa muhkhiat ahi hi. Muslim khat a haa a nat leh Novocaine zatui zang kei ta hen. Widal le Weil-te’ muh khiat zatui hi-a, amaute pen Judah mi ahi uh hi.</p><p><br /></p><p>Muslim khat in zunkhum a neih leh Insulin peuhmah zang kei hen. Judah mi Minkowsky a kicipa’ muh khiat zatui ahi hi. Lutang a nat leh Pyramidon le Antypyrin zatuite zang kei ta hen – Judah mi Spiro le Ellege-te’ bawl ahi hi. Muslim khat in sihbup kongkawt theih natna a neih leh Chloral Hydrate peuhmah zang kei ta hen – Oscar Leibreich a kici Judah mi khat ih bawl hi!</p><p><br /></p><p>Muslim naupang khat in Diphtheria natna (cisa, nakhak sa) a ngah leh ‘Schick’ peuhmah zang kei ta hen – Bella Schick a kici Judah mi khat ih bawl ahi hi. Lungsim maan lo-a lautheihna, a kimulo khat in sawlsawl, cih natna nam a neite</p><p>in zong a lungsim a maan na dingin zatui zang kei ta hen – Freud a kici Judah mi khat ih muh khiat ahi hi.</p><p>____________________________</p><p>          1 Laimai khatna le nihna sunga thu pawlkhat leh footnote-a minte lakah 1999 kum ciangcianga minte pen Treinkman gelhsa kong letkhiat ziau hi-a, thu dang teng ahih leh kei kong kaihkhop tawmtawm leh kei muhnate ahi hi.</p><p><br /></p><p>Bil natna le khuak natna tawh Muslim-te a honhon-a a si dingin kiging uh hen. Banghang hiam cihleh tua natnate a dam na dinga zatui mu khia pa pen Judah mi hi-a, Robert Baram ahi hi.</p><p><br /></p><p>Muslim-te in polio zatui zanglo ding uh ahih manin mi tampi si ding uh a, khut zaw khe zaw mi tampi om ding uh hi. Bang hang hiam cihleh polio zatui pen Jonas Salk muh khiat hi-a, amah pen Judah mi ahi hi.</p><p><br /></p><p>Muslim tampite in TB zaa ahi Streptomycin zang lo-in TB natna tawh si ziahziah uh hen. Banghang hiam cihleh hih TB zaa pen Zalman Waxman muh khiat hi-a, amah pen Judah mi ahi hi.</p><p><br /></p><p>Muslim doctor-te in zong Judas Sehn Bendict muh khiatsa ahi vun natna tawh kisai vanzatte khempeuh zang kei ta uh hen. Frawnkel muh khiat tuapsitna vante-a kipan nate thu sinna-a vatzat tampite ahi-a, zatui lam tawh kisai vanzat tampite zong Judahte bawl tam mahmah ahih manin tuate zang vet kei ta uh hen.</p><p><br /></p><p>A tomin gen leng, Muslim-te in a lunggulhna/khensatna uh a om mah bangin Judahte muh khiat na khatpeuh zanglo /nelo/ leilo ding uh ahih leh Syphilis natna, Gonorrhea natna, Lungtang natna tuamtuam, lutang natna tuamtuam,</p><p>Parkinson’s natna, Typhus, zunkhum sikhum, lungsim maanlo natnate, Polio natnate leh TB natnate tawh ni simin si ziahziah lai ding uh hi.</p><p><br /></p><p>Ey.., khat gen pak lai leng, Muslim-te in a ci uh a nat ciangin cellphone tawh doctor-te peuhmah sam kei ta uh hen. Banghang hiam cihleh cellphone pen Judahte muhkhiat masak ahi hi. Judahte muhkhiat vante peuhmah zang kei ni, a cih ua leh inntung pan solar tawh tui lumsakna peuhmah zang kei uh hen la, Muslim gamte galvan thupi pen khat ahi Iron Dome rocket zong zang ngei kei uh hen. DNA sitna computer neute zong zang kei uh hen. Ey!, viber peuhmah zang kei uh hen la, facebook zang lo-in thumb drive peuhmah zang kei ta uh hen. Hihte zang lo-in a nungta zo ding uh hiam!</p><p><br /></p><p>Tua ahih leh Muslim-te in leitung-a dingin bang phattuamna taktak bawl uh a hia le? Thu haksate kidong kei ni ey, guai!</p><p>Leitungah mipi phattuam na ding tawh kisai a tam sep pente in Christian-te ahi hi. Zato tuamtuam, sang tuamtuam, tagah sang, mi zawngte sang, cimawh huh kipawlna, cihte-a kipan na hoih a tamzaw pen Christian-te sep ahi hi.</p><p><br /></p><p>2015 kum ciangciang, leitung bup-a Muslim-te pen 1.8 billion bang pha uh a, leitung buppi ih 25.7% bang a pha uh ahi hi. Mipi tua zah lak ah Nobel Prize tuamtuam a ngah pen mi 12 bek om a, tua lakah mi 7-te pen Nobel Peace Prize hi lailai uh hi. 2</p><p>_______________</p><p><br /></p><p>2 Peace: 1978 - Mohamed Anwar El-Sadat; 1994 - Yaser Arafat; 2003 – Shirin Ebadi;</p><p>2005 – Mohamed El Baradei; 2006 – Muhammad Yunus; 2011 – Tawakel Karman; 2014 – Malala</p><p>Yousafzai; Literature: 1988 – Naguib Mahfouz; 2006 – Orhan Pamuk; Physics &amp; Chemistry:</p><p>1979 – Mohammad Abdus Salam; 1999 – Ahmed Zewail; 2015 – Aziz Sancar.</p><p><br /></p><p>Judahte ahih leh 2017 kum ciangciang a kiciaptehna ah mi 16 million khawng pha bek uh a, tuma kum 70 lai (galpi nihna lai) khawnga zah phakik panpan uh hi. Mi 16 million khawng bek uh ahih manin leitung buppi ih 0.2% khawng a pha bek uh ahi hi. Ahi zongin mi tawm mahmah phial ta le uh mipil misiam mihau mi minthang tam mahmah uh hi. Gtn: kum zalom 20 sunga Scientist lian pen a cih uh Albert Einstein! 2017 kum ciang ciang leitung bup ah Nobel Prize a ngah mimal 892 bang a phakna lakah 206 pen Judahte vive ahih manin Nobel Prize ngah khempeuh lakah 23% pen Judah mi hi pah uh hi.3 Tua hi-a, Judah mi khat</p><p>__________________</p><p><br /></p><p>3 Peace: 1911 - Alfred Fried; 1911 - Tobias Michael Carel Asser; 1968 - Rene Cassin; 1973 -</p><p>Henry Kissinger; 1978 - Menachem Begin; 1986 - Elie Wiesel; 1994 - Shimon Peres; 1994 - Yitzhak</p><p>Rabin; 1995 – Joseph Rotblat; Literature: 1910 - Paul Heyse; 1927 - Henri Bergson; 1958 - Boris</p><p>Pasternak; 1966 - ShmuelYosef Agnon; 1966 - Nelly Sachs; 1976 - Saul Bellow; 1978 - Isaac</p><p>Bashevis Singer; 1981 - Elias Canetti; 1987 - Joseph Brodsky; 1991 - Nadine Gordimer; 2002 – Imre</p><p>Kertesz; 2004 – Elfriede Jelinek; 2005 – Harold Pinter; 2014 – Patrick Modiano; 2016 – Bob Dylan;</p><p>Physics and Chemistry: 1905 - Adolph Von Baeyer; 1906 - Henri Moissan; 1907 - Albert Abraham</p><p>Michelson; 1908 - Gabriel Lippmann; 1910 - Otto Wallach; 1915 - Richard Willstaetter; 1918 - Fritz</p><p>Haber; 1921 - Albert Einstein; 1922 - Niels Bohr; 1925 - James Franck; 1925 - Gustav Hertz; 1943 –</p><p>Otto Stern; 1943 – George de Hevesy; 1944 - IsidorIssac Rabi; 1945 – Wolfgand Pauli; 1952 - Felix</p><p>Bloch; 1954 - Max Born; 1958 - Igor Tamm; 1959 - Emilio Segre; 1960 - Donald A. Glaser; 1961 -</p><p>Robert Hofstadter; 1961 – Melvin Calvin; 1962 - Lev Davidovich Landau; 1962 – Max Perutz; 1963 –</p><p>Eugene Wigner; 1965 - Richard Phillips Feynman; 1965 - Julian Schwinger; 1967 – Hans Bethe; 1969</p><p>- Murray Gell-Mann; 1971 - Dennis Gabor; 1972 – Leon Cooper; 1972 – Christian B. Anfinsen; 1972 –</p><p>William Howard Stein; 1973 - Brian David Josephson; 1975 - Benjamin Mottleson; 1976 - Burton</p><p>Richter; 1977 - Ilya Prigogine; 1978 - Arno Allan Penzias; 1978 - Peter L Kapitza; 1979 - Stephen</p><p>Weinberg; 1979 - Sheldon Glashow; 1979 - Herbert Charles Brown; 1980 - Paul Berg; 1980 - Walter</p><p>Gilbert; 1981 – Arthur Leonard Schawlow; 1981 – Roald Hoffmann; 1982 - Aaron Klug; 1985 - Albert</p><p>A. Hauptman; 1985 - Jerome Karle; 1986 - Dudley R. Herschbach; 1987 – Karl Alexander Muller; 1988</p><p>- Robert Huber; 1988 - Leon Lederman; 1988 - Melvin Schwartz; 1988 - Jack Steinberger; 1989 -</p><p>Sidney Altman; 1990 - Jerome Friedman; 1992 - Rudolph Marcus; 1994 – George Andrew Olah; 1995</p><p>- Martin Perl; 1995 – Frederick Reines; 1996 – David Morris Lee; 1996 – Douglas D. Osheroffl; 1996 –</p><p>Harry Kroto; 1997 – Claude Cohen-Tannoudji; 1998 – Walter Kohn; 2000 – Zhores Alferov; 2000 –</p><p>Alan J. Heeger; 2003 – Alexei Alexeyevich Abrikosov; 2003 – Vitaly Ginzburg; 2004 – David Gross;</p><p>2004 – H. David Politzer; 2004 – Aaron Ciechanover; 2004 – Avram Hershko; 2004 – Irwin Rose; 2005</p><p>– Roy J. Glauber; 2006 – Roger D. Kornberg; 2008 – Martin Chalfie; 2009 – Ada Yonath; 2011 – Dan</p><p>Shechtman; 2011 – Adam Riess; 2011 – Saul Perlmutter; 2012 – Serge Haroche; 2012 – Robert</p><p>Lefkowitz; 2013 – Francois Englert; 2013 – Arieh Warshel; 2013 – Michael Levitt; 2013 – Martin</p><p>Karplus; 2016 – J. Michael Kosterlitz; 2017 – Rainer Weiss; 2017 – Barry Barish; Economics: 1970 -</p><p>Paul Anthony Samuelson; 1971 - Simon Kuznets; 1972 - Kenneth Joseph Arrow; 1973 – Wassily</p><p>Leontief; 1975 - Leonid Kantorovich; 1976 - Milton Friedman; 1978 - Herbert A. Simon; 1980 -</p><p>Lawrence Robert Klein; 1985 - Franco Modigliani; 1987 - Robert M. Solow; 1990 - Harry Markowitz;</p><p>1990 - Merton Miller; 1992 - Gary Becker; 1993 - Robert Fogel; 1994 – John Harsanyi; 1994 –</p><p>Reinhard Selten; 1997 – Myron Scholes; 2001 – Joseph Stiglitz; 2001 – George Akerlo; 2002 – Daniel</p><p>Kahneman; 2005 – Robert Aumann; 2007 – Leonid Hurwicz; 2007 – Eric Maskin; 2007 – Roger</p><p>Myerson; 2008 – Paul Krugman; 2010 – Peter Diamond; 2012 – Alvin E. Roth; 2016 – Oliver Hart;</p><p>2017 – Richard Thaler; Medicine: 1908 - Elie Metchnikoff; 1908 - Paul Erlich; 1914 - Robert Barany;</p><p>1922 - Otto Meyerhof; 1930 - Karl Landsteiner; 1931 - Otto Warburg; 1936 - Otto Loewi; 1944 - Joseph</p><p>Erlanger; 1944 - Herbert Spencer Gasser; 1945 - Ernst Boris Chain; 1946 - Hermann Joseph Muller;</p><p>1947 – Gerty Cori; 1950 - Tadeus Reichstein; 1952 - Selman Abraham Waksman; 1953 - Hans Krebs;</p><p>1953 - Fritz Albert Lipmann; 1958 - Joshua Lederberg; 1959 - Arthur Kornberg; 1964 - Konrad Bloch;</p><p>1965 - Francois Jacob; 1965 - Andre Lwoff; 1967 - George Wald; 1968 - Marshall W. Nirenberg; 1969 -</p><p>Salvador Luria; 1970 - Julius Axelrod; 1970 - Sir Bernard Katz; 1972 - Gerald Maurice Edelman; 1975 -</p><p>Howard Martin Temin; 1975 – David Baltimore; 1976 - Baruch S. Blumberg; 1977 - Roselyn Sussman</p><p>Yalow; 1978 - Daniel Nathans; 1980 - Baruj Benacerraf; 1984 - Cesar Milstein; 1985 - Michael Stuart.</p><p><br /></p><p>in mi mawkmawk khat sangin Nobel Prize a ngah na ding a zah 113 bangin tam zaw hi cih kimu thei hi.</p><p><br /></p><p>US ah sang ka kah lai-in Judah haa siavuan khat tawh ka kithuah zel hi. Khatvei, bang hong ci hiam cihleh, Ko Judahte, a diakdiak-in Judah innkuan gina zawdeuhte in ka tate uh kum 4 a phak uh ciangin Hebrew lai a thei khin dingin ka pantah uh hi, hong ci hi. Thu le la tawh hoihtak a kipattah ban uah lai mahmah tawh zong hoihtak kipantah uh ahihna kimu thei hi. Gtn: Mark Zuckerberg bang en pak leng, ama siam/sep pen computer/facebook hi-a, ahi zongin Hebrew lai, Latin, Greek, leh France laite zong ka siam hi, ci mawk hi.</p><p><br /></p><p>Judahte in a tate uh mi thah dan hilh masa lo uh a, Muslim-te bangin mi a tam theithei a that na dingun kihilh lo uh hi. Phulak dingin tuat le uh Germany gam vut le vai suah khin phial ding uh hi na pi, phulak ding peuhmah ngaihsun hetlo uh hi. Muslim-te in bel, ko hong kitua cih, hong kisimmawh, hong</p><p>kinawlkhin, ci-in phulak ding bekbek ngaihsun uh hi. Judahte tawh tehkak leng Muslim-te akibawlna pen bangmah hi hetlo lel hi.</p><p><br /></p><p>Judahte in vanleng buluh-in taipih ngeilo uh a, Olympic-a kimawlte that ngeilo uh hi. Germany gam ah ahi-a, gam dang tuamtuam khat beek ah ‘bomb’ puakkhamsak-in mi om muang tampipi that ngeilo uh hi. Muslim-te in biakinnpite ah ‘bomb’ puakkhamsak-in Christian-te tampipi hong thatthat ta le uh Judahte in tua bangin khakvei beek hong bawl ngeilo uh hi.</p><p>Hong thuk ding uh hi leh kum zalom 4-6 lai khawngin Christian-te’ simmawh bawlsiatna tampi thuak uh hi. Constantine kumpipa tektek in Jerusalem ah Judahte peuhmah ciahkiksak ngiat lo hi. Ahi zongin Judahte in hong thuk hetlo uh hi.</p><p><br /></p><p>Mithahna tawh lungphona a nei Judah mi om lo a, amau up bang a umlo khempeuh thah dingin khatvei beek vaihawm ngeilo uh hi. Biakna vai, upna vai tawh galdo dingin kikaikhawm ngeilo uh a, nuntakna thupisak mahmah uh hi.</p><p>Tua hi-a, Muslim-te in a tate uh a hoihin a pattah ding uh kisam mahmah hi. Mithat dingin pantah kei uh hen la, a si dingte a honkhia dingin pantah zaw le uh! </p><p><br /></p><p>Judahte a mawhsak thapai dingin kipantah kei uh hen la, amau mawhna a mu thei dingin kipantah zaw le uh! Buaina khempeuh Judahte hang hi, ci nawn kei uh hen la, buaina koici vensak ding ihi hiam, cih ngaihsun zaw le uh! Khatvei, Ravi Zacharias in hih bangin gen hi – Ka theih ngei Muslim khatin a tapa ngek lai khat mual tungah paipih to-in Jerusalem gal-etsak hi. Tua khit</p><p>_____________________</p><p><br /></p><p>Brown; 1985 - Joseph L. Goldstein; 1985 – Michael Staurt Brown; 1986 - Stanley Cohen; 1986 - Rita</p><p>Levi-Montalcini; 1988 - Gertrude Elion; 1989 - Harold Varmus; 1991 - Erwin Neher; 1991 - Bert</p><p>Sakmann; 1993 - Richard J. Roberts; 1993 - Phillip Sharp; 1994 - Alfred Gilman; 1994 – Martin</p><p>Rodbell; 1995 - Edward B. Lewis; 1996- Lu RoseIacovino; 1997 – Stanley B. Prusiner; 1998 – Robert</p><p>F. Furchgott; 2000 – Paul Greengard; 2000 – Eric Kandel; 2002 – Sydney Brenner; 2002 – H. Robert</p><p>Horvitz; 2004 – Richard Axel; 2006 – Andrew Fire; 2011 – Ralph M. Steinman; 2011 – Bruce Beutler;</p><p>2013 – James E. Rothman; 2013 – Randy Schekman; 2017 – Machael Rosbash.</p><p><br /></p><p>ciangin ka ta aw, na nuntak sung, na sep ding thupi pen in hua gal-a na muh, Jerusalem khuapi sunga Judah mite na thah zawh zahzah thah ding ahi hi, ci hi, ci hi. Hih banga kipantahte in Judahte a thah ding uh a ngaklah luat ding mah uh ahi hi. Mi tam that semsem a lungkim semsem ding mah uh ahi hi.</p><p><br /></p><p>Muslim-te in leitung mi khempeuh in hong thupi ngaihsut hen la, hong pibawl uh hen, a cih thapaih uh sangin mipi aa dingin bang sem thei ding ka hi uh hiam, ci zaw le uh, leitung ah launa le buaina tawm mahmah ding hi! Muslim-te in thau tawi nawn kei le uh UN nangawn ah a thu kikup ding uh omlo phial ding a, ‘refugee’ tawm mahmah ding hi. 2015 kum-a ‘refugee’ khempeuh ih a lang pen Syria, Afghanistan, leh Iraq gam pan hi-a, Syria-te bang a gambup ih 60% pen ‘refugee’ suak mawk uh hi. ‘Middle East’ pan ‘refugee’ tam pen-a, tua khit ciangin Africa in zom hi. Muslim gam vive uh hi zaw a, a gilo teng lah amau, a thuak teng lak-a a tamzaw lah amau, nek le dawn, omna khawlna tawh kisai UN buaipih teng lah a tamzaw pen amau mah ahi uh hi. Hih thu lungngaih huai mahmah sa ing. </p><p><br /></p><p>Leitungah Muslimte in hiam tawi nawn kei le uh gamhtatna bei ding a, Judahte in hiam tawi nawn kei le uh a gam uh bei ding hi. Hi hi. Muslim-te sanga leitung a buaisak zaw kua mah omlo a, Judahte a mudah zaw zong kua mah omlo hi. Isreal gam pen leitung gamlim pan phiat ding, a ci vive uh hi a, hih zo uh hi leh Judah mi khempeuh a beimangsak nuam uh ahi hi.</p><p><br /></p><p>Tu laitak-in Israel a langpan, a kim a paama amah a langpan teng pen ama gam sangin a zah 650-in gol zaw hi. Israel mi phazah sangin a zah 50-a tam zaw uh a, Arab gam 22 leh Muslim gam 57-te kipawlin Israel a langpan uh hangin bangmah hih zo tuanlo uh hi. A zawh ding sangsik-un Israelte in hih gam teng banah hiamgamhte do lai uh hi. Israel khung lama a om hiamgamhte lak-a a thahat pente ahi Hesbollah-te bang in rocket 100,000 bang nei uh a, leitung gam neu pawlkhat sangin thahat zaw lai uh hi. Tua banah ISIS-te, Al Kaida-te, Hamas-te, Jordia-te, Samaria-te, Gaza-te, cih bangin gal/hiamgamhte do lai uh a, hiamgamhte khut sung panin gam tampi honkhia khin lai uh hi (Leitung bup-a thukan siampente pen Israelte kici - Mun khempeuh ah thukan om zihziah uh ahih manin a thukansimte un siat na ding pan honkhia).</p><p><br /></p><p>Tua banah Africa gam, Muslim-te lak khawnga tuidawn ding neilo, zatui zaha neilote zong vaihawmsak uh hi. Gamkeuna, sehnelgamte khawngah zong mehteh mehgah a kicin theih na dingin pilna hawm uh a, sehnel gam-a kicing thei ding khaici tuamtuam zong Muslim-te aa ding bek hilo-in leitung buppi aa</p><p>dingin hawmkhia uh a, na hoih tampi hong sepsak lai uh hi. Hih zahta-in na hoih sem mah ta le uh banghangin, a diak diakin Muslim-te in Isreal mudah lua mahmah veve uh hiam?</p><p><br /></p><p>Laisiangtho i et ciangin Muslim-te a hicihna hang uh kimu thei hi - Muslim-te pupipa ahi Ishmael a suah ding ciangin Pasian in Hagar kiangah, En in, nau na paai hi. Tapa na nei dinga Ishmael na phuak ding hi. Banghang hiam cih leh TOPA in na gentheihna hong za hi (Ishmael pen ‘Pasian in za’ cihna). Ishmael pen le mahmah ding a, a khut in mi khempeuh langpan-in mi khempeuh khut in zong amah langpan ding hi. Tua kawmkal ah amah pen a sanggamte lakah teng ding hi, ci hi (Gen 16:11-12). Tua hi-a, Muslim-te in Judahte a muhdah uh pen ahi ding mah hi-a, mi dangte zong a muhdah ding mah uh ahi hi. Leitung bei dongin hici suak ding uh a, kua mah in zual zolo ding hi. Kilemna le daihna khempeuh ahih theih zah un susia ding uh a, Israel tawh a kilem na ding uh a kivaihawm hawm hangin piang thei ngeilo ding hi.</p><p><br /></p><p>Ahi zongin ni khat ni ciangin Judahte Kumpipa (Messiah /Zeisu) hong paikik ding a, a galte khempeuh a khenuai ah tuancil-in (Ps 110:1; Matt 22:44), tu laitak-a a kituhtuh uh ahi Jerusalem Biakinnpi Mual tungah hong kumsuk ding hi (Acts 1:11-12). Tua Mual (Olive Mual) hong siksuk ciangin mualpi kiphelkhap dinga (Zech 14:4) kuampi suakin Judahte’ gal khempeuh Zeisu in phialmangsak ding hi (Rev 19:11-21). Tua ni ciangin tua Messiah in sikciangkhut tawh leitung khempeuh uk ding a (Ps 2:9; Rev 19:15), kilemna Kumpi ahih zah khatin kilemna taktak tungsak ding hi (Isa 9:6). Tua hun ciang bekin Isreal le Ishmael kikal ah kilemna om pan ding hi. Judahte’ kumpi, David tomkhom-a tu ding ahi David Tapa in a mi Israelte-a kipan leitung khempeuh uk-in kilemna tungsak ding a (Luke 1:32), ama kumpi gam bei ngeilo ding hi (2 Sam 7:13, 16; Isa 9:7; Matt 21:9, 15). Tua ni hong tun ding ngaklah huai ma si e!</p><p><br /></p><p>PS: Hih article a sim peuh mah in “Laisiangtho le Jerusalem’’ cih article ka gelh zong simsuak leh ka deihsak hi.</p><p><br /></p><p>By: Dr. Lian Muan Kim, PhD </p><p>President of Koinonia Baptist Seminary, </p><div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEiOtBJv0LaorigiKpNzKcMylBiKL-JNH1tUGJ0jrHFHLL300i4BZnEdop_FhzRz5WfSYg-viE0NULDOjoeZQqsm6cU0g21j136pi4QxLLrmQw7KqaMmWf37WND1IIeHKwQm-6JEDI05MIEPsCc5kumjEsqnBCl3LPBEdF8tdvakBiYPbJj3z51rpAL1w50/s720/FB_IMG_1697047982596.jpg" imageanchor="1" style="margin-left: 1em; margin-right: 1em;"><img border="0" data-original-height="277" data-original-width="720" height="123" src="https://blogger.googleusercontent.com/img/b/R29vZ2xl/AVvXsEiOtBJv0LaorigiKpNzKcMylBiKL-JNH1tUGJ0jrHFHLL300i4BZnEdop_FhzRz5WfSYg-viE0NULDOjoeZQqsm6cU0g21j136pi4QxLLrmQw7KqaMmWf37WND1IIeHKwQm-6JEDI05MIEPsCc5kumjEsqnBCl3LPBEdF8tdvakBiYPbJj3z51rpAL1w50/s320/FB_IMG_1697047982596.jpg" width="320" /></a></div><br /><p><br /></p>

History Israel lo tawh Ishmael a nungta zo diam?

Tuma kum 20 val deuh lai-in Iran makaipite in leitung bup-a Muslim-te khempeuh kiangah Judahte kiang pana hong piangkhia na khat peuhpeuh zang vet kei un, ci-in kham uh hi. Tua thu a om ciangin siavuanpi khat ahi Meyer M. Treinkman in hih a nuai-a ba…

Read more »

JERUSALEM Pasian Tawntung Khuapi

<p></p><div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEge9EnxYstfT4wKTQstafZFP5GhDvsjzBtSDM3QNkUPqgl8BgjWuuTmXQfFDU8v0JzcXoTR9VMbYeAI44dk5gnE6Xinf-yCRSxIlkV88gvZ9gpuaf8iaWiE0yTPwrVDFCrLLwGqqJmqzdTGSrFkHXOGQaNNX6gcvmAquP1m3pwQgC7VmuT_dTfQY8uSSs8/s960/FB_IMG_1697063736363.jpg" imageanchor="1" style="clear: right; float: right; margin-bottom: 1em; margin-left: 1em;"><img border="0" data-original-height="720" data-original-width="960" height="150" src="https://blogger.googleusercontent.com/img/b/R29vZ2xl/AVvXsEge9EnxYstfT4wKTQstafZFP5GhDvsjzBtSDM3QNkUPqgl8BgjWuuTmXQfFDU8v0JzcXoTR9VMbYeAI44dk5gnE6Xinf-yCRSxIlkV88gvZ9gpuaf8iaWiE0yTPwrVDFCrLLwGqqJmqzdTGSrFkHXOGQaNNX6gcvmAquP1m3pwQgC7VmuT_dTfQY8uSSs8/w200-h150/FB_IMG_1697063736363.jpg" width="200" /></a></div><br />Hamas (Gaza-Palestine) thautawite in October 7, 2023 ni Israel gam a do na Operation Al-Aqsa Flood (Jerusalem Biakinnpi Mual Galsimna) cih min pua sak hi. Leitung ah gam Siangtho pen Isarel gam hi a, Israel gam sung ah a Siangtho penna mun Jerusalem Biakinnpi Mual (Temple Mount, Al-Aqsa) ahi hi. Israel le Arab te kilemlohna, ki dona ahang pipen in Jerusalem Biakinnpi Mual kituhna hang ahi hi.<p></p><p><br /></p><p>Leitung ah biakna lianpen (3): Judah biakna, Christian biakna le Islam biakna te in khuapi siangtho ci-in aciapteh, a neih khop khat bek om-a tua in Jerusalem khuapi ahihi. Laisiangtho sung ah 'Jerusalem' cih kammal mun 600 val ah kigelh hi. Pasian in Abraham' upna a sinna Moriah mual le David kumpi pa' Zion mual bulphut a kisat Jerusalem khuapi ahihi.</p><p><br /></p><p>Khapi tung lam pai masa pen Neil Armstrong kum 1994 in Jerusalem Khuapi lui (old city) hawh hi. A lampu pa Judah mi Archeologist Meir Ben Dov kiang ah hih ih paina lampi ah Topa Jesu a pai ngei diam? ci-in dong hi. Ben Dov in Topa Jesu Jerusalem biakinnpi a pai simin hih lampi tawn den ding hi, hih lampi ki laih nailo hi, acihciangin Neil Armstrong in Khapi tunga lam ka pai sangin Jesu sikna ka sik khak ka lungdamna lian zaw hi ci-in gen ngei hi.</p><p><br /></p><p>Min le Akhiatna</p><p><br /></p><p>Hebia kam in Jerusalem khuapi min Jerushalayim in ki gelh hi. Yireh (mu, Pasian in mu), Shalem (kilemna) Yireh + Shalem = Jerushalayim. Judah mite in Jerusalem khuapi min 70 val nei sak uh a, tua sung pan a thupi zawdeuh teng anuai ah ki mu thei hi.</p><p><br /></p><p>Min (Hebia kam in le akhiatna)</p><p><br /></p><p>1) Adonay Yireh</p><p>Pasian muhna (The Lord is seen) (Piancil 22:14)</p><p><br /></p><p>2) Ariel</p><p>Pasian Humpi (Lion of God) (Isaiah 29:1)</p><p><br /></p><p>3)Betulah</p><p>Nu ngak siangtho (Virgin) (Kahla1:16)</p><p><br /></p><p>4) Gai Hizayon</p><p>Muhna Guam (Valley of Vision) (Is 22:1)</p><p><br /></p><p>5) Gilah</p><p>Lungdamna (Joy) (Is 65:18)</p><p><br /></p><p>6) Ir Ha'Elohim</p><p>Pasian Khuapi (City of God) (Late 87:2)</p><p><br /></p><p>7) Ir Ha'Emet</p><p>Thuman Khuapi (City of Truth) (Zech 8:3)</p><p><br /></p><p>8) Jebus</p><p>Jebus (Thukhente 19:10)</p><p><br /></p><p>9) Kir</p><p>Khuapi (City) (Ezek 13:14)</p><p><br /></p><p>10) Kiriyah Aliza</p><p>Lungdamna Khuapi (Joyful City) (Is 22:2)</p><p><br /></p><p>11) Kiryat Hannah David</p><p>David Giahbuk Satna Khuapi (City Where David Camped) (Is 29:1)</p><p><br /></p><p>12) Kiryah Ne'emanah</p><p>Cihtakna Khuapi (Faithful City) (Is 1:25)</p><p><br /></p><p>13) Klilat Yoffi</p><p>A hoih a etteh huai (Paragon of Beauty) (Kahla 2:15)</p><p><br /></p><p>14) Moriah</p><p>Moriah (Piancil 22:2)</p><p><br /></p><p>15) Neveh Zedek</p><p>Mi dikte omna (Righteous Dwelling) (Jer 31:22)</p><p><br /></p><p>16) Shalem</p><p>Kilemna (Peace (Whole)) (Piancil 14:18)</p><p><br /></p><p>17) Tzur Hamishor</p><p>Zanglak Suangpi (Rock of the Plain) (Jer 21:13)</p><p><br /></p><p>Omna, Milip le Khuahun</p><p><br /></p><p>Jerusalem khuapi liatna 109 sq km (42 sq mile) hi a Judean mual dawn ah om in Jordan gun pan nitumna lam Km 30 (Tai 20) gamla hi. Bethlehem khua pan lei lu lam Km 10 (Tai 6) gamla in, Bethany khua pan nitumna lam Km 3 (Tai 2) gamla hi. Tuipi maitang pan Pi 2,484 (meter 757) sangna ah om hi. Milip 900,000 pha in Judah mi 62.3%, Arab mi 37.7% ahihi. Jerusalem khuapi sunga Hebrew Elementary (Mulah Tan Sang) sangnaupang 77,000 a omna sung ah 50,000 te Utra-Orthodox or Haredi (Judaism biakna a khauh lette) sang ah kah a, 14,000 te Modern Zionist Orthodox (Judah biakna a nem zaw deuhte) sang ah kah in, 13,000 te Secular (Leitung) sang ah kah hi. Khuahun January kha in 9°C (48° F) in vot thei a, July kha in 23° C (73°F) in lum thei hi.</p><p><br /></p><p>Ki Ukna</p><p><br /></p><p>Jerusalem khuapi leitung ukpi tuamtuam (Assyria, Babylon, Persia, Roman, Ottoman Turk, British Empire etc...) te in vei (40) val na uk ngei hi. Jerusalem khuapi ngah nop na hangin gal kidona (100) val om ngei hi. Jerusalem in khuapi (3) kigawm ahihi: 1) Khuapi lui (old city) Topa Jesu hun lai a khuapi, 2) Nitumna lam Judah mite omna khangthak khuapi, 3) Nisuahna lam Palestine Arab mite omna cihbang ahihi.</p><p><br /></p><p>Kum 1948 May 14 ni in Israel gam (State of Israel) ci-in suahtakna la in, gam khatin ding hi. Tua hun in Jerusalem khuapi Palestine-Arab te khut sung ah om lai hi. Suahtakna ngah ni azingciang akiim-a Arab gam tengin do huan in Israel Independence gal kici hi. Israel Independence gal kidona pan Jerusalem khuapi nitumna (West Jerusalem) Palestine Arab te khut sungpan ngah khia hi. June 5-10, 1967 sung akiim-a Arab gam tengin do huan in Ni Guk Gal (Six Day War) kici hi. Ni Guk Gal kidona ah Israel in zo in Biakinn Mual (Temple Mount) Jerusalem biakinnpi omna mun, Judah mite thungetna kawmpi (Western Wall) Israelte' khut sung tung hi.</p><p><br /></p><p>Jerusalem Khuapi a Ukngei Kumpite le Kumte</p><p><br /></p><p>1010 BC</p><p><br /></p><p>David kumpi pa in 1010 BC in Jebusite te khut sungpan a ngah khiat khuapi ahihi. Judah mite Jerusalem ah aten zawh kum 3000 val ta hi.</p><p><br /></p><p>960 BC</p><p><br /></p><p>David kumpipa' tapa Solomon kumpipa in uk in Jerusalem Biakinnpi Masa lam hi.</p><p><br /></p><p>AD 70 - 324</p><p><br /></p><p>Zawmah (Romans) te in AD 70 in Jerusalem khuapi susia in AD 70 – 324 sung uk hi.</p><p><br /></p><p>AD 324 – 638</p><p><br /></p><p>Byzantine Christians te (Zawhmah uk nisuahna lam teng) in uk hi.</p><p><br /></p><p>AD 638 – 1099</p><p><br /></p><p>Muslim ukpi tuamtuam: Caliph Omar, Ummayyad, Abassid te in uk hi.</p><p><br /></p><p>AD 1099 – 1187</p><p><br /></p><p>Crusaders (European Christians) te in uk hi.</p><p><br /></p><p>AD 1187 – 1917</p><p><br /></p><p>Muslim ukpi tuamtuam: Ayyubid, Mamluk, Ottoman Empire te in uk hi.</p><p><br /></p><p>AD 1917 – 1948</p><p><br /></p><p>England (British) kumpi in uk hi.</p><p><br /></p><p>AD 1948 – 1967</p><p><br /></p><p>Jerusalem khuapi nisuahna le nitumna in kikhen. Nitumna lam Israel in uk a, nisuahna lam Jordan (Arab) in uk hi.</p><p><br /></p><p>AD 1967 – Tuni dong</p><p><br /></p><p>Jerusalem khuapi Israel mite khut sung ah om hi.</p><p><br /></p><p>Jerusalem le Islam Biakna</p><p><br /></p><p>Jerusalem khuapi Islam biakna ah Mecca le Medina zom ah a siangtho pen mun ahihi. Islam kamsang Mohammed Mecca pan in Jerusalem ah vantung mi Gabriel in paipih in Jerusalem khuapi lui Biakinn Mual (Temple Mount) tunga om Suang Innpi (Dome of the Rock) pan van kah hi ci-in Islam Laisiangtho (Koran) sung ah kigelh hi. Nidangin Muslim te thu a nget uhciangin Jerusalem lam nga in thu ngen uh hi. Muslim kamsang Mohammed Mecca pan Medina ah a peemkhiat a kipan thu a nget uhciang Kaaba (Mecca, Saudi Arabia) lam nga uh hi. Muslim te in AD 638 pan 1917 sung akigawm kum 1000 val Jerusalem khuapi na uk ngei uh hi.</p><p><br /></p><p>Jerusalem Biakinn Mual (Temple Mount) nidanga Jerusalam Biakinnpi khatna (Solomon biakinnpi) le nihna (Herod biakinnpi) dinna mun ah tulai tak Muslim biakinnpi nih Dome of the Rock (Suang innpi) le Al-Aqsa mosque om hi.</p><p><br /></p><p>Jerusalem Biakinnpi nihna (Herod biakinnpi) AD 70 in Rom galkapte in susia hi. AD 135 in Rom ukpi Hadrian in Jerusalem biakinnpi mun lian ah Jupiter Capitolisnus (Jupiter pasian biakna innpi) lam hi. AD 325 in Rom ukpi Constantine in Jupiter biakna innpi susia in Octagon Church (Kiu 8 nei Christian biakinn) lam hi. AD 691 in Muslim Umyyad Caliph ukpi Abd al-Malik in alam ahihi.</p><p><br /></p><p>Al-Aqsa Muslim Biakinn: Arab kam in Al-masjid Al-aqsa, akhiatna: 'agamla pen muslim biakinn' (the Farthest Mosque). Muslim ukpi Umar in Jerusalem Biakinnpi Mual (Temple mount) tung ah alam hi in AD 705 in man siang hi. Muslim te in a kamsang Mohammed Mecca mosque pan Al-aqsa mosque Jerusalem ah mangmuhna tawh nitak khualzitna (Night Journey) nei hi ci-in um hi. Tua manin nidangin thu a nget uhciang Jerusalem khuapi lam nga in thu ngen uh hi.</p><p><br /></p><p>Jerusalem le British Empire</p><p><br /></p><p>Kum 1517 pan 1917 sung Israel gam le Jerusalem khuapi Ottoman Empire (Turkey) in uk hi. Galpi masa (1914 – 1918) hong pianciang Ottoman Empire le British Empire ki do in Britist in zo a, December 9, 1917 ni in Jerusalem khua pi British khut sung tung hi. British kumpi in Palestine ah Judah gam (Jewish State) phuh theih na ding November 2, 1917 ni in Belfour Declaration ci-in phalna pia hi. British Foreign Secretary Arthur James Belfour in Anglo-Jewish British Parliament member le Zionist makai Lionel Walter Rothschild kiang ah pia a, tua man in Belfour Declaration ki ci hi. A sawtlo in British le apawl (Allied power) teng in Belfour Declaration hong pom in July 24, 1922 ni in League of Nations in lungkimna hong nei hi.</p><p><br /></p><p>Kum 1948 May 14 ni in General Sir Alan Cunningham (Palestine a British High Commissioner nunung pen) Palestine gam British in nusia ta cih lah na in ciahkhia hi. Tua ni mah zankim in Israel in Suahtakna (Independence) lakna puang khia hi.</p><p><br /></p><p>Jerusalem le America</p><p><br /></p><p>May 14, 1948 zankim 12:00 (Israel hun) in Israel Prime Minister masa pen David Ben-Gurion in Israel Independence lakna ahkl Israel Gam phuhna puang khia hi. A gam min ding gen khia nailo ahihmanin kuaman theikhol lo a, atamzaw in 'Judea' hi dingin lamen hi. Tua hun in US president sem Harry Truman ahihi. May 12, 1948 ni Innkangpi Oval Office ah Truman in a adviser teng tawh Jew te in independence la in Jew gam phut leh theihpih ding leh theihpih lohding kikupna nei hi. Secretary of State asem Truman in a muan mahmah, khut khat tawi, khe khat khai bangin na aseppih galkap mang lui George C. Marshall in Jew te' independence ngah ding le gam khat a din ding nial hi. Truman kiang ah Jew te' gam thak theihpihna khutpi na mekleh kiteel ciang President dingin vote hong pialo ding hing cih zah dongin gen liang hi. Ahizongin President Truman in Israel Independence a puang khit phetin theihpihna khutpi mekna nei pah in leitung makaipi lak ah Israel gam thak theihpihna anei masa pen ahihi. USSR (Union of Soviet Socialist Republic) nidanga Russia gam in ni 3 khitciang theihpihna nei hi.</p><p><br /></p><p>US Embassy Tel-Aviv pan Jerusalem ah</p><p><br /></p><p>1948 May 14 ni Israel gam thak a kipat in Jerusalem khuapi Palestine-Arab te khut sung ah om lai hi. Tua manin Tel-Aviv khuapi Museum khat pan Israel gam thak puangkhia uh ahihi. Jerusalem khuapi Israelte khutsung ah om nailo ahihmanin kumpi zum teng leh gamdang palai zum teng Tel-Aviv khuapi ah om hi. October 23, 1995 in US Congress in Embassy Tel-Aviv pan Jerusalem ah tuah ding thukimna nei a, The Jerusalem Embassy Act of 1995 kici hi. A giimna in Jerusalem khuapi Israel tawh khenlo a May 31, 1999 ma in US Embassy Tel-Aviv pan Jerusalem ah tuah ding ahihi. Tua ading ngiatin US State Department budget 50% sehsa in koih den hi. Ahizongin US President a kah khat-khit-khat (Clinton, Bush, Obama) in gal buaina om ding lauhna hangin kha (6) ta sawtto den hi. Donald Trump in zong June kha 2017 in kha (6) sawttohna khutpi mek hi, kha (6) acin kik December 6, 2017 ni in sawttoh ding khutpi meek nawnlo in Jerusalem khuapi ah tuah dingin khutpi meek ta hi. May 14, 2018 Israel suahtakna ngah zawh kum (70) cin ni in Jerusalem khua a US Embassy thak honna nei hi.</p><p><br /></p><p>Israel le US kizopna</p><p><br /></p><p>NATO (North Atlantic Treaty Organization) gamte lo buang US tawh galvai limtakin a kizoppih Israel ahihi. Kum 1985 pan kum sim in US in Israel Dollor billion 3 (Dollor teng tulsawm thum) tawh huh den hi. US in UN Security Council ah veto power 83 vei zang a, tua sungpan 42 vei Israel gupna in zang hi. Tua mahbangin Israel in a leitung US te gal vai in a deih bangin zangsak hi. Tua manin Republican senator Jesse Helms in Israel gam pen 'Sehnel gam a Americate' Vanleng puakna' (America's Aircraft Carrier in the Middle East) ci-in gen thei zel hi.</p><p><br /></p><p>Jerusalem le Laisiangtho</p><p><br /></p><p>Jesu Kammal Pan</p><p><br /></p><p>Topa Jesu in Laisiangtho sung a thugen sungpan (25%) te hong piang ding thu: Jerusalem ki suksiat nang, Judah mite ki thehthaang nang le leitung hun nunung thu ahihi. Ni khat Jesu Bethany lampan anungzuite tawh hong pai in Olive mual hong tun ciang Jerusalem khuapi galet in kap hi (Luke 19:41). Nungzuite in Topa Jesu kiang ah Jerusalem biakinnpi nasia asakna, a suangtumpite hoih asaknate gen hi. Topa Jesu in hun khat ciangin hih hoih nasak, lamdang nasak mahmah nate khempeuh a siat gawp hun hong tung ding hi. Innlamna-a akiciang suangtumpite khat zong akithuapin a om nawn loh hun hong tung ding hi, ci hi (Mate 24:1-2; Mark 13:1-2; Luke 21:5-6).</p><p><br /></p><p>Jesu in “Jerusalem, Jerusalem aw, kamsangte na that a, Pasian sawl kamtaite na denglum hi. Akpi in a kha tawh a note a huai mah bangin na mite ka huainuam tawntung a, ahi zongin na ut kei hi. Tu in na innte ki susia cip ding hi. Nang kiangah kong genin-ah: ‘Topa’ min tawh a hong pai mipa in thupha ngah ta hen,’ na cih hun hong tun matengin kei nong mu nawn kei ding hi, a ci hi”(Mate 23:36-39).</p><p><br /></p><p>Topa Jesu Kammal Atangtunna</p><p><br /></p><p>Kum 70 AD in Rom galkapte General Titus makaihna tawh Jerusalem khuapi hong sim a Jerusalem biakinnpi susia in hal hi. Biakinnpi sunga vanzat tampite Kham tawh kibawl ahihmanin akatciang tuisuahin suangtumpi khat-le-khat kikal ah lut hi. Rom galkapte'n Kham alaknop manin tua suangtumte a kithuap om nawnlo zahdong dingin longkhia-a, kalhkhia khin hi. Kum 117 AD ciangin Rom gam ukpi (Caesar) Hadrian hong khang hi. Solomon kumpipa lam biakinnpi dinna lian ah Jupiter biakna innpi (Jupitor Capitolinus) hongin Judah siampi bek luttheihna siangthopen mun lian ah ama lim hong suangin Judah mite bia sak hi. Judah mite Pasian tawh kamciamna ahi vun atnate khawl sak a, Jerusalem khuapi Jupitor biakpiakna khuapi suaksak hi. Judah mite ukpi Hadrian tungah lungkim loin langpang hi.</p><p><br /></p><p>Kum 132 AD in Judah mite le Rom mite nasiatakin kido a Judah mi 580,000 val si in, khua 85 val kisusia a mi tul tampi sila in zang hi. Jushua in Israel mite Cannan gam pasal 600,000 tawh lutpih-a, Rom gam ukpi Hadrian in 580,000 that in Hitler in 6,000,000 that hi. Hih hun pan kipan Judah mite in Rom mite' bawlsiatna pan kihem in leitung mun tuamtuam, gam tuamtuam ah teng uh hi.</p><p><br /></p><p>Tanglai Kamsangte' tung Genkholhna</p><p><br /></p><p>Pasian Kamsang Zekhariah tung ah Leenggahzu bangin Jerusalem khuapi ka bawl dinga, a kiima om minam dangte in a nek ciangin khamin a hoi ding hi. Jerusalem khuapi umcih dinga tua hun ciangin suangtumpi gik mahmah bangin Jerusalem khuapi ka bawl ding hi. Likkhiat a sawm minam khat peuhpeuh in liamlawh ding hi. Leitung minam dang khempeuh kipawlin Jerusalem a sim ding uh a, ahizongin Pasian in Jerusalem sim ding ahanciam minam khempeuh susia ding hi. Jerusalem nisuahna lamah a om Olive Mual tung ah Topa in a khe hong ngasuk ding hi (Zekhariah 12:2-3, 9). Topa in Israel mite, a gam tunkik ding a, a kisia khuapite hoihtakin lampha kikin a sungah teeng sak kik ding hi (Amos 9:14).</p><p><br /></p><p>Tua hun ciangin Jerusalem khua Topa' kumpi tokhom kici dinga, Jerusalem khua Topa' omna ah gam khempeuh hong kikhawm ding hi (Jeremiah 3:17). A galte a zawhgawp khit ciangin, Vanglian Topa, kumpi ahihna hangin mi khempeuh in bia ding le Buuk Pawi(Feast of Booths) abawl dingin kumsimin Jerusalem-ah pai tawntung ding uh hi (Zekhariah 14:16). David Tokhom tung pan atawntungin leitung uk dinga (Isaiah 9:7), a kumpi gam bei ngeilo ding hi (Daniel 7:14).</p><p><br /></p><p>Tanglai Kamsangte' Genkholhte hong Tangtung diamdiam ta</p><p><br /></p><p>Israel gam leitung gam khenpi (3): Europe, Asia le Africa teng kituntuahna lamlai ah om ahihmanin leitung ukpi hong khang khempeuh Assyria, Egypt, Babylon, Persia, Rom, Greek, Ottoman, British te in Jerusalem khuapi nawk hi. Jerusalem khua hangin galkidona 100 val bang om hi. Gam khat, ukpi khatin atawntungin ukcip ngeilo a, ukpi khat-khit-khat kilaih den hi. Kum 70 AD in Rom mite in Jerusalem khuapi le Biakinnpi susia in tua hun pan kipan Judah mite in Jerusalem le Judea gam nusia in leitung mun tuamtuam ah kitheh thaang hi. Kum 1880 khit lamciangin 'aliyah' (Israel gam ah ciahkikna) ci-in Israel gam hong zuan kik hi. Kum 1948 in Israel gam khatin hong dinga 'aliyah' tawh Judah mite leitung mun tuamtuam pan official takin hong sam kik hi. Kum 1882-2012 sung Aliyah tawh leitung gam tuamtuam pan Judah mi Awn 3.6 (3,600,000) val Israel gam ah ciah kik hi.</p><p><br /></p><p>June 5-10, 1967 sung Arab gam Egypt, Syria, Jordan le Iraq gamteng kipawlin Israel hong do huam-a 'Ni 6 Galpi' (6 Day War) hong piang hi. Arab galkap 20,000 val si in, Israel galkap 1,000 val bek si hi. Ni 6 Galpi kidona ah Israel in zo a, Egypt te' khutsung pan Sinai gam daawk (Sinai Peninsula), Gaza; Syria te' khutsung pan Golan mualdawn (Golan Heights); Jordan te' khutsung pan Jordan gun' nitumna lamteng le Jerusalem nisuahna lam (East Jerusalem), nidanga Jerusalem Solomon Biakinnpi omna mual teng ngah hi. Tua manin Israel mite kum simin Ni 6 Galpi phawkna abawlsim in 'Har Habayit b'yadeinu, Har Habayit b'yadeinu' (Biakinn mual ei khutsung hong tung ta, Biakinn mual ei khutsung hong tung ta) ci-in alungdamna uh gen den hi.</p><p><br /></p><p>Kum 1987 pan kipan Judah mite in Jerusalem Biakinnpi (A Thumna) lam ding gelna in Temple Institute kipawlna kipan hi. Kum 2004 in Judah siampi (rabbi) 71 in Tiberias khua ah Sanhedrin kipawlna (Topa Jesu khailup ding thu apia Judah siampi kipawlna asang pen) pan kik hi. Orthodox Jew te in Jerusalem Biakinnpi akilam khitciang Messiah hong pai pan dingin um uh hi. Topa Jesu in 'Pasian min tawh hong pai pa in thupha ngah tahen!' na cih masiah uh nong mu kik kei ding uh hi ci hi.</p><p><br /></p><p>Tulai tak Judahmi tawm bek in Jesu honpa le gumpa in sang hi. Tua manin gimna tampi a thuak ban ah mailam ah tampi thuak lai dinga, ahizongin Pasian kamciam aom sa mahbangin hun tawp ni ciang Judah mite in Jesu Honpa, Gumpa le Messiah in sang ding hi. Jerusalem khuapi David Tokhom tungpan in leitung hong uk dinga ama ukna bei ngeilo ding hi.</p><p><br /></p><p>Laigelh: Rev. Pau Pian Thang, Germany</p>

History JERUSALEM Pasian Tawntung Khuapi

Hamas (Gaza-Palestine) thautawite in October 7, 2023 ni Israel gam a do na Operation Al-Aqsa Flood (Jerusalem Biakinnpi Mual Galsimna) cih min pua sak hi. Leitung ah gam Siangtho pen Isarel gam hi a, Israel gam sung ah a Siangtho penna mun Jerusalem …

Read more »